Skessuhorn: Útnesvegur á Snæfellsnesi ófær 6. desember 2011 Á Vesturlandi er víða hálka eða hálkublettir og sumstaðar skafrenningur. Þá er Útnesvegur á Snæfellsnesi ófær. Nú er hálka í öllum landshlutum og víða mikið frost. Varað er við aðstæðum þar sem þurr ís eða þjappaður snjór mynda slípað og mjög hált vegyfirborð. http://skessuhorn.is/Default.asp?sid_id=24845&tId=99&Tre_Rod=001|002|&fre_id=122989&meira=1

Það er ekki seinna vænna að hefja snjómokstursumræðuna hér á Dreifaranum enda búinn að vera kafsnjór núna í viku. Í árlegri skoðun minni á vinnureglum við snjómokstur hér á svæðinu hefi ég komist að eftirfarandi: Vegflokkun: Þjóðvegir landsins eru flokkaðir í nokkra flokka eftir mikilvægi. Fyrst og fremst eru þeir flokkaðir í stofnvegi, tengivegi, héraðsvegir (áður safnvegir) og landsvegi. Allir venjulegir þjóvegir eru stofnvegir. Út frá þeim liggja síðan landsvegir sem teljast ekki til mikilvægra samgönguæða eins og t.d. Kjalvegur og Sprengisandsleið. Tengivegir liggja t.d. niður að Djúpalóni og Malarrifi. Héraðsvegir liggja síðan að sveitabæjum og öðrum mannabyggðum. Vegtegundir: Vegir skiptast í vegtegundir. Þær eru A, B, C, D og F. Þessi flokkun fer t.d. eftir hvort vegir eru með einni eða tveim akreinum. Allir landsvegir eru t.d. í F og í fokkana C7 og D fara flestir héraðs og tengivegir, auk landsvega. Þjónustflokkun: Vetrarþjónustu er skipt í fjóra flokka út frá þéttbýlisstöðum sem eru svo kallaðir tengistaðir og öðrum ,,hnútstöðum“ sem tengja vegakerfið. Flestir þjóðvegir landsins eru í þjónustuflokki 3, t.d. allir Vestfirðir og suðurland til Austfjarða. Í flokki 4 eru síðan vegir eins og á Hornströndum, Skógarströnd á norðanverðu Snæfellsnesi, um Heidal og í Breiðuvík í Snæfellsbæ. Í þjónustuflokki 1 eru bara vegir á höfuðborgarsvæðinu og nágrenni þess. Í þjónustflokki 3 skal t.d. hefja mokstur við minna en 6cm snjódýpt, vegur skal hálkuvarinn á varasömum stöðum, svo sem þar sem er vindasamt er. Manni detta í hug nokkri staðir hér á sunnanverðu nesinu en man ekki eftir að hafa séð neinar slíkar hálduvarnir í mörg ár. Í þessum þjónustflokki er vegurinn frá Hellisandi, um Ólafsvík og að norðanverðu til Stykkishólms. Einnig yfir Fróðárheiði, út Staðarsveit og hreppana og svo áfram. Í þjónustuflokki 4 (Breiðavík, Búðaafleggjari, Arnastapaafleggjari, Hellnavegur) skal t.d. vegur ,,hálkuvarinn á varasömum stöðum eða við varasamar veðuraðstæður (þ.e. þar sem og þegar búast má við sterkum vindstrengjum eða sviptivindum) þegar flughálka kemur upp eða hætta er á að slík hálka geti myndast“ og ,, mokstur skal byrja við minna en 8 sm snjódýpt og hreinsun akbrautar og vegamóta og hálkueyðingu skal lokið innan 4 klst frá því að snjókomu lýkur“. Vegi hér í sunnanverðum Snæfellsbæ skal þjónusta á eftirfarandi hátt, sakv.r eglum Vegagerðarinnar fyrir veturinn 2011-12: 1. Staðarsveit og yfir Fróðárheiði skal moka alla daga nema laugardaga (þjónustuflokkur 3). 2. Frá Heiðarkasti um Breiðuvík, fram hjá Arnarstapa og Hellnum að minnismerki Guðríðar Þorbjarnardóttur fyrir vestan Hellna skal moka mánudaga, miðvikudaga, fimmtudaga og föstudaga (þj.fl. 4). 3. Arnarstapaveg skal moka mánudaga, miðvikudaga, fimmtudaga og föstudaga (þj.fl. 4). 4. Um Hellnaveg (vegin niður að Hellnum) gildir svokallaður helmingamokstur samkv. upplýsingum frá Vegagerðinni, þ.e. Snæfellsbær ákveður hvenær skal moka og Vegagerðin greiðir þá helming á móti sveitarfélaginu. Sama gildir um Útnesveg fyrir Jökul. Hálkuvarið í ,,flughálku“ skal frá Hraunsmúla, að og upp Fróðárheiði, um Axlarhóla og til og með Fellsbrekku fyrir ofan Arnarstapa og út að Hellnaafleggjara að ,,Guðríðarplani“ en svo nefnist áningarstaður við styttu af Guðríði Þorbjarnardóttur frá Laugarbrekku en henni þótti ákaflega gaman að ferðast, fór meðal annars til Ameríku þar sem hún átti fyrsta hvíta barnið og síðan til Páfagarðs. Það er alveg sjálsagt að halda veginum opnum fyrir hana og minna má það ekki vera fyrir svo víðförla konu, eins þarf hún að passa sig á hálkunni enda orðin rúmlega þúsund ára gömul. Vegagerðin gefur upp meðalfjölda bíla sem fara um þessa vegi á tímabilinu frá og með desember og til og með mars. Um Staðarsveit fara 200 bílar, um Fróðárheiði fara 100 bílar og út í Breiðuvík fara 50 bílar. Og nú, lesendur góðir, vitið þið allt um það hversvegna, hvernig og hvar snjómokstur fer fram á svæðinu.

Skessuhorn, 17. október 2011 Hvassviðri um allt Vesturland Frá því í morgun hefur verið allhvasst um allt vestanvert landið. Vindur í hviðum fer upp fyrir 20 m.sek á öllum sjálfvirkum veðurstöðvunum sem tengdar eru hér á vef Skessuhorns, utan Svínadals í Dölum. Mestur er vindhraðinn á Kjalarnesi þar sem vindur slær hátt í 40 m.sek í hviðum, nú á þriðja tímanum í dag. Ferðir Strætó bs á Akranes falla niður alltaf þegar vindur í hviðum fer upp fyrir 30 m.sek. og á það við nú. Í tilkynningu frá Vegagerðinni nú klukkan 15 segir að óveður sé á Kjalarnesi og á sunnanverðu Snæfellsnesi. Hálka er á Fróðarárheiði og hálkublettir við Hraunsmúla. Hálkublettir eru á Bröttubrekku og á Svínadal. http://skessuhorn.is/Default.asp?Sid_Id=24825&tId=99&Tre_Rod=&qsr

Versta veður er nú hér um slóðir og vindhraði upp undir 30 m í Staðarsveit samkv. veðurmælingum við Hraunsmúla. Engar mælingar eru hér í Breiðuvík en það má búast við að hér sé ekki minna rok, rúta fauk út af í Tunguhverfinu í Breiðuvík, hópur sem var á leið í mat í Fjöruhúsinu. Guðjón bóndi kom því til bjargar og komst fólkið að Hellnum þó seinna væri. Það er snjóföl á vegum og sjálfsagt hálka, alla vega ekki ákjósanlegt ferðaveður. Skóli var felldur niður í Lýsuhólsskóla í morgun, vegna veðurs. Ég læt hér fljóta með vísu sem eignuð er Gísla lónnsa og uppi var hér undir Jökli fyrir all mörgum áratugum, hann hafði farið að leita kinda en fann ekki og sjálfsagt eru einhverjir bændur í þeim sporum þessa dagana: Illt er að kljást við gimbrarhaus, gott er af honum kjötið samt. Ekki get ég fundið hann fyrir snjónum og kafaldinu.

Ekki næst sjónvarp núna hér á stórum hluta Snæfellsness. Samkv. upplýsingum hjá Sjónvarpinu sló niður eldingu hjá Mílu og er unnið að viðgerð en bilunin er víst nokkuð alvarlegt. Allavega er sjónvarpslaust í Rifi, Hellnum, Arnarstapa og Staðarsveit.

Árið 2012 er ár margra og stórra afmæla hér í sveitunum. Dreifarinn er að hugsa um að safna þessum upplýsingum saman svo fólk geti farið að skipuleggja sig og búa til sér síðu þar sem sett verða inn afmælin í tímaröð.

Fimmti Grænfáninn Nýr Grænfáni væntanlegur Umsókn um nýjan Grænfána var send til Landverndar síðastliðið vor en komið er að því að fá fánann endurnýjaðan í fimmta sinn. Orri Páll og Gerður, sem sjá um verkefnið Skólar á grænni grein hjá Landvernd, heimsóttu okkur í tilefni af umsókninni og eftir spjall við nemendur skólans voru þau þess fullviss að rétt væri að veita okkur nýjan fána. Þeim leist einnig vel á verkefni okkar og viðfangsefni. Fáninn er veittur til tveggja ára í senn og er alþjóðleg viðurkenning þess að í skólanum sé unnið markvisst að fræðslu um umhverfismál, umhverfisstefna hafi verið sett og henni framfylgt. http://www.landvernd.is/graenfaninn/yflokkar.asp?flokkur=1055 Eftir er að finna afhendingardag fyrir nýja fánann og verður hann auglýstur þegar þar að kemur. IMG_4578 Sep 29, 2011 Leitin að heita vatninu Nemendur eru önnum kafnir í átthagafræðinni. Einn liðurinn í þeirri vinnu er að kynna sér leitina að heita vatninu á Lýsuhóli. Til að fræðast um hana og afla gagna fóru þeir í vettvangsferð um svæðið, leituðu uppi allar holurnar sem hafa verið boraðar, hnitsettu þær og tóku myndir af þeim en þær reyndust 19 að tölu. Frekari úrvinnsla á verkefninu bíður verri tíðar þegar það er gott að vera inni og setja verkefnið fram á aðgengilegan hátt fyrir foreldra og aðra áhugasama. Hér eru myndir frá ferðinni og fleiri myndir eru á flickr. Sep 20, 2011 Ræktun Ræktun í gróðurhúsinu gengur furðu vel. En þar er ræktað spínat og nú reyndum við að sá baunagrasi líka. Ekki verður langt að bíða eftir spínatinu í salatið í hádegismatnum í skólanum en lengra verður í baunirnar. Sep 13, 2011 Á hestbaki Jóhanna á Lýsuhóli bauð nemendum 2.-5. bekkjar á hestbak í reiðhöllinni á bænum. Fyrst var nemendunum sýnt og sagt frá hvernig ætti að umgangast hestana og stjórna þeim og síðan var farið á bak og látið reyna á hæfileikana. Allir sýndu áhuga og hugrekki og gekk vel á hestbaki. Bestu þakkir til Jóhönnu fyrir framtakið. Sep 8, 2011 Berjaferð Þriðjudaginn 6. september fóru nemendur Lýsuhólsskóla í berjaferð. Haldið var í vestur að Dagverðará og farið upp með hraunkantinum í átt að Jöklinum eins og venjulega. Að tínslu lokinni var haldið að Arnarstapa þar sem nemendur fengu hádegisverð hjá Ólínu í Samkomuhúsinu. Þar gafst kostur á að skoða gamla muni, bækur og fleira áhugavert. Við þökkum Ólínu kærlega fyrir móttökurnar. Eftir hádegisverðinn gátu nemendur farið að Bjargi og hoppað litla stund á hoppubumbunni sem Haddý hleypti lofti á sérstaklega fyrir þá. Bestu þakkir til Haddýar. Að hoppi loknu var haldið heim á leið með berjafenginn. Sep 7, 2011 Kofinn Í dag var fyrsta skóflustungan tekin að nýjum kofa sem nemendur miðdeildar ætla að byggja. Honum er ætlað það hlutverk að nemendur þjálfist í verklegum vinnubrögðum og vinni eftir teikningum við að byggja hús. Húsið mun síðan þjóna ýmsum hlutverkum sem leiktæki á skólalóðinni. Hér er mynd af fyrstu skóflustungunni. Aug 31, 2011 Rjúpur í heimsókn Í dag þegar nemendur ætluðu að fara að vega salt voru komnir gestir. Rjúpnapar með sex unga vöppuðu um leikvöllinn og prófuðu tækin. Hér eru myndir af þeim og fleiri á flickr. Aug 30, 2011 Heyannir Nemendur Lýsuhólsskóla tóku daginn snemma og réðust í það verk í morgun að slá eyjuna og sá spínati í gróðurhúsinu okkar. það hefur sýnt sig að spínat vex vel þó að birtu fari að bregða fljótlega. Væntanlega geta nemendur farið að sækja spínat í salatið í lok september. Hér eru tvær myndir frá heyskapnum. http://lysuholsskoli.vortex.is/frettir/

Heil og sæl kæru sveitungar Hrútasýning Sauðfjárræktarfélags Staðarsveitar verður haldin á Gaul föstudaginn 7. október n.k. kl. 11 Allir velkomnir Laugardaginn 15. október verður héraðssýning Snæfellsness í Bjarnarhöfn. Við minnum á að hrútar sem keppa þar þurfa að vera búnir að fá dóm. Allar nánari upplýsingar veitir nýkjörin stjórn félagsins: Heiða (Gaul), Svenni (Fossi) og Gísli Örn (Álftavatni)

Umhverfis- og skipulagsnefnd, fundur nr. 64 Prentvæn útgáfa Prentvæn útgáfa Dags. 30. Ágúst 2011 64. fundur umhverfis- og skipulagsnefndar haldinn í Ráðhúsi Snæfellsbæjar, þriðjudaginn 30. ágúst 2011 og hófst hann kl. 12:00 Fundinn sátu: Jónas Kristófersson, Bjarni Vigfússon, Pétur Steinar Jóhannsson, Drífa Skúladóttir, Svanur Tómasson, Fundargerð ritaði: Smári Björnsson , Byggingarfulltrúi Dagskrá: 1. 1108026 - Grundarslóð 4 - skil á lóð. Ólafur A. Gíslason, kt. 290644-3999,Ásbúð 74, Garðabæ, skilar inn byggingarlóð við Grundarslóð 4, Arnarstapa. Umhverfis- og skipulagsnefnd Snæfellsbæjar samþykkir erindið. 2. 1108007 - Sjávarlóð - Umsókn um lóð Friðrik Bergsveinsson, kt. 270946-3999, sækir um sjávarlóð á Arnarstapa fyrir heilsárshús. Stærð á húsi yrði um 100-110 fm. Umhverfis- og skipulagsnefnd þakkar fyrir umsóknina, en sjávarlóðirnar á Arnarstapa eru ekki tilbúnar til úthlutunar enn sem komið er. Unnið er að úthlutunarreglum fyrir þessar lóðir. 3. 1108012 - Grundarslóð 4 - umsókn um lóð Sigurborg Benediktsdóttir, kt. 311283-2359 sækir um byggingarlóð að Grundarslóð 4, Arnarstapa. Umhverfis- og skipulagsnefnd samþykkir að úthluta Sigurborgu Benediktsdóttur lóðina. 7. 1108014 - Ægissíða - Umsókn um byggingarleyfi fyrir tækjageymslu Jón Guðmann Pétursson, kt. 311259-3779 sækir um byggingarleyfi fyrir 96 fm tækjageymslu við Ægissíðu í Staðarsveit. Umhverfis- og skipulagsnefnd samþykkir að veita byggingarleyfi fyrir 96 fm tækjageymslu við Ægissíðu. 8. 1108006 - Jaðar 12 - Geymsluhús Bergsveinn Þorkelsson, kt. 30652-7599, sækir um byggingarleyfi fyrir 7,25 fm geymsluhús við sumarhús sitt að Jaðri 12, Arnarstapa. um er að ræða bjálkahús frá Húsasmiðjunni. Umhverfis- og skipulagsnefnd samþykkir byggingarleyfi fyrir 7,25 fm geymsluhús að Jaðri 12. 10. 1108002 - Lækjarbakki 4 - stækkun á sólpalli Haraldur Þór Gunnlaugsson, kt. 231267-5819, sækir um leyfi fyrir 30 fm stækkun á sólpalli sakv. meðfylgjandi teikningu að Lækjarbakka 4, Arnarstapa. Umhverfis- og skipulagsnefnd Snæfellsbæjar samþykkir erindið. 11. 1108003 - Brekkubær - Breyting á notkun aðstöðuhúss Sverrir Hermansson f.h. Hótel Hellna ehf, sækir um leyfi til að breyta og endurbæta núverandi hús að Brekkubæ, Hellnum. Húsin eru í dag nýtt sem aðstöðuhús og hlaða (geymsla). Hlöðu verður breytt í íþrótta- og samkomusal fyrir allt að 49 manns og aðstöðuhús verður endurskipulagt samkv. teikningu. Húsið verður allt einangrað að utan og klætt með standandi borðaklæðningu í samræmi við núverandi hús á svæðninu. Umhverfis- og skipulagsnefnd Snæfellsbæjar samþykkir erindið. 14. 1108013 - Langaholt - reyndarteikningar Gistihúsið Langaholt ehf., óskar eftir samþykki nefndarinnar á reyndarteikningum af Gistihúsinu Langaholti. Teikningarnar eru unnar af Elínu G. Gunnlaugsdóttur, dags. 30.06.2011. Umhverfis- og skipulagsnefnd Snæfellsbæjar samþykkir erindið. 21. 1108025 - Ölkelda 2 - umsókn um byggingarleyfi fyrir bílskúr. Jón Svavar Þórðarson, kt. 020753-5289, sækir um byggingarleyfi fyrir 62 fm steyptri viðbyggingu samkv. teikningum dags. 23. ágúst 2011. Einnig er sótt um leyfi til að klæða eldri part af húsi með bárujárnsklæðningu eins og verður á viðbyggingunni. Umhverfis- og skipulagsnefnd Snæfellsbæjar samþykkir erindið. 23. 1108023 - Brekkubær - viðbygging mbl. 11 Hótel Hellnar ehf sækir um byggingarleyfi fyrir 269,4 fm viðbyggingu við Hótel Hellna. Umhverfis- og skipulagsnefnd Snæfellsbæjar samþykkir erindið. 24. 1108018 - Djúpalónssandur - göngustígar og breyting á bílastæði. Guðbjörg Gunnarsdóttir f.h. Þjóðgarðsins Snæfellsjökuls sækir um framkvæmdaleyfi fyrir lagningu göngustígs við Djúpalónssands. einnig er sótt um leyfi til að breyta bílastæði við Dnúpalónssand samkv. skipulagsupprætti af svæðinu. Umhverfis- og skipulagsnefnd Snæfellsbæjar samþykkir erindið. 27. 1101019 - Snæfell Félagsheimili- Reyndarteikningar til samþykktar. Elín G. Gunnlaugsdóttir arkitek leggur fyrir nefndina reyndarteikningar af Félagsheimilinu Snæfelli til samþykktar, teikningarnar hafa fengið samþykki eldvarnareftirlits. Einnig liggur fyrir rekstrarleyfisumsókn um leyfi til að reka veitingastað í flokki III, veitingasölu og greiðasölu og gististað í flokki II, gistiskála í félagsheimilinu Snæfelli á Arnarstapa, frá Ólína Gunnlaugsdóttir, kt. 250762-4539. Fjallað var um sama erindi á 58. fundi nefndarinnar og var málinu þá hafnað á þeim rökum að ekki lægju fyrir teikningar af núverandi húsi. Ólína Gunnlaugsdóttir, kt. 250762-4539, hefur sótt um leyfi til að reka Umhverfis- og skipulagsnefnd Snæfellsbæjar samþykkir reyndarteikningar fyrir húsið. Og felur byggingarfulltrúa og Slökkviliðsstjóra að gera úttekt á húsinu í samræmi við samþykktar teikningar. Umhverfis- og skipulagsnefnd, fundur nr. 63 Prentvæn útgáfa Prentvæn útgáfa Dags. 5. Júlí 2011 63. fundur umhverfis- og skipulagsnefndar haldinn í Ráðhúsi Snæfellsbæjar, þriðjudaginn 5. júlí 2011 og hófst hann kl. 12:00 Fundinn sátu: Sigurjón Bjarnason, Jónas Kristófersson, Bjarni Vigfússon, Pétur Steinar Jóhannsson, Drífa Skúladóttir, Fundargerð ritaði: Smári Björnsson , Byggingarfulltrúi 5. 1107003 - Langaholt - Reyndarteikningar Óskað ef eftir samþykki nefndarinnar á innsendum reyndarteikningum af Langaholti í Staðarsveit. Umhverfis- og skipulagsnefnd Snæfellsbæjar samþykkir erindið. 10. 1107007 - Hótel Hellnar - Rekstarleyfi, endurnýjun. Hótel Hellnar ehf óskar eftir endurnýjun á rekstrarleyfi vegna stækkunar á gistiaðstöðu um 11 herbergi. Herbergin verða samtals 31 til útleigu. Umhverfis- og skipulagsnefnd Snæfellsbæjar samþykkir erindið. Umhverfis- og skipulagsnefnd, fundur nr. 62 Prentvæn útgáfa Prentvæn útgáfa Dags. 7. Júní 2011 62. fundur umhverfis- og skipulagsnefndar haldinn í Ráðhúsi Snæfellsbæjar, þriðjudaginn 7. júní 2011 og hófst hann kl. 12:00 Fundinn sátu: Sigurjón Bjarnason, Jónas Kristófersson, Pétur Steinar Jóhannsson, Drífa Skúladóttir, Sturla Fjeldsted, Svanur Tómasson, Fundargerð ritaði: Smári Björnsson , Byggingarfulltrúi 2. 1106007 - Músaslóð 8 - skila inn lóð Arnardrangur ehf, skilar inn lóða að Músaslóð 8 á Arnarstapa. Umhverfis- og skipulagsnefnd Snæfellsbæjar samþykkir erindið. Kanna þurfi með hvort eitthvað hvíli á lóð. 4. 1102006 - Breyting deiliskipulags frístundahúsa á Hellnum. Búið er að auglýsa skipulagið með athugasemdarfrest til 5. maí 2011. engar athugasemdir bárust. Umhverfis- og skipulagsnefnd Snæfellsbæjar samþykkir að vinna skipulagið áfram. 7. 0906005 - Hraungerði - afstöðuuppdráttur Björn B. Thors óskar eftir samþykki á afstöðuuppdrætti að Hraungerði í Breuðuvík. Gert er ráð fyrir að reisa hús að Hraungerði í Snæfellsbæ. Innan byggingarreits aðalhúss er gert ráð fyrir allt að 125 fm auk geymsluhúss allt að 25 fm. Stefna húsann taka mið af Hraunprýði. Málinu var frestað á síðasta fundi og málið skoðað frekar. Umhverfis- og skipulagsnefnd Snæfellsbæjar samþykkir að vinna skipulagið áfram. 12. 1106004 - Gröf - pallur og hurð Ragnhildur Bköndal óskar eftir leyfi til að setja hurð 213 cm x 236 cm. Einnig er óskað eftir leyfi fyrir sólpalli. Umhverfis- og skipulagsnefnd Snæfellsbæjar samþykkir erindið. 18. 1106005 - Þórdísarflöt - framkvæmdaleyfi fyrir veg og vatnsborun. Þórdís Kjartansdóttir óskar eftir framkvæmdaleyfi lagningu heimreiðar að Þórdísarflöt í samræmi við breytingartillögu á deiliskipulagi vegna frístundahúsa á Hellnum. Einnig er sótt um framkvæmdaleyfi fyrir vatsnborun að Þórdísarflöt. Staðsetning yrði í samræmi við deiliskipulag af svæðinu. Umhverfis- og skipulagsnefnd Snæfellsbæjar samþykkir erindið. 20. 1106003 - Gröf - heimagisting Ragnheiður Blöndal hefur sótt um leyfi til sýslumanns til að reka gististað í flokki 1, heimagistingu að Gröf í Snæfellsbæ. Hún ætlar að bjóða upp á 7 daga hestaferðir með gistingu í Gröf. Umhverfis- og skipulagsnefnd Snæfellsbæjar samþykkir erindið. Umhverfis- og skipulagsnefnd, fundur nr. 61 Prentvæn útgáfa Prentvæn útgáfa Dags. 3. Maí 2011 61. fundur umhverfis- og skipulagsnefndar haldinn Röst, þriðjudaginn 3. maí 2011 og hófst hann kl. 12:00 Fundinn sátu: Sigurjón Bjarnason, Jónas Kristófersson, Bjarni Vigfússon, Pétur Steinar Jóhannsson, Drífa Skúladóttir, Svanur Tómasson, Fundargerð ritaði: Smári Björnsson , Byggingarfulltrúi Dagskrá: 1. 1104008 - Minnisvarði um Guðmund Bergþórsson Kvæðamannafélagið Iðunn óskar eftir leyfi til að reisa minnismerki og upplýsingaskilti um Guðmund Bergþórsson, rímnaskáld á Arnarstapa (1657-1705). Hugmyndin er að finna því stað við bílastæðið ofan við höfnina á Arnarstapa. Um er að ræða stuðlabergssúlu eins og hálfs til tveggja metra háa og ofan á henni stendur hnefi vinstri handar sem myndlistarmaðurinn Páll Guðmundsson á Húsafelli hefur mótað úr steini. Umhverfis- og skipulagsnefnd samþykkir erindið. Staðsetning á minnismerkinu verði í samráði við byggingarfulltrúa. 2. 1007008 - Umsókn um breytingu á Aðalskipulagi Snæfellsbæjar Sleggjubeina. Kynnt er tillaga að breytingu á aðalskipulagi Snæfellsbæjar vegna Sleggjubeinu. Breyting á uppdrætti: 1. Skilgreint er brunnsvæði, grannsvæði og fjarsvæði vatnstöku og lega vatnslagnar 2. Efnistökusvæði N-10 er leiðrétt í samræmi við uppréttan loftmyndagrunn. 3. Bætt er inn núverandi slóða að efnistökusvæði og gönguleið að fyrirstöðu. Búið er að leita umsagnar Umhverfisstofnunar, Fornleifaverndar og Vegagerðar. Umhverfis- og skipulagsnefnd var kynnt staða málsins. Málið er í frekari skoðun. 3. 0906005 - Hraungerði - afstöðuuppdráttur Björn B. Thors óskar eftir samþykki á afstöðuuppdrætti að Hraungerði í Breiðuvík. Gert er ráð fyrir að reisa hús að Hraungerði í Snæfellsbæ. Innan byggingarreits aðalhúss er gert ráð fyrir allt að 125 fm auk geymsluhúss allt að 25 fm. Stefna húsanna taka mið af Hraunprýði. Umhverfis- og skipulagsnefnd frestar málinu meðan svæðið er skoðað frekar. 5. 1104014 - Deiliskipulag frístundabyggðar, Hellnum Hellnaþorpið ehf kynnir tillögu að deiliskipulagi frístundabyggðar á Hellnum. Gert er ráð fyrir þyrpingu 20 frístundalóða á Hellnum í Snæfellsbæ. Einnig er gert ráð fyrir einu leiksvæði um miðbik þyrpingarinnar. Nýtingarhlutfall verði allt að 0,03 á hverri frístundalóð. Umhverfis- og skipulagsnefnd er kynnt málið og frestar erindinu þar sem ekki er kominn samningur vegna vatnstöku á svæðinu. 6. 1104015 - Deiliskipulag Hellisvalla á Hellnun, breyting. Hellnaþorpið ehf, kynnir tillögu að breytingu á deiliskipulagi Hellisvalla á Hellnum. Í tillögunni er gert ráð fyrir 8 nýjum lóðum við Kjarvalströð. Útlínum lóðar nr. 18 er breytt. Bílastæðum breytt og bílastæði fyrir eldri og nýjarlóði eru í göturýminu á sambærilegan hátt og fyrir breytingu. Gert er ráð fyrir rúmlega 1.5 stæði á hvert hús. Byggingarreitir eru 7x10m. Umhverfis- og skipulagsnefnd er kynnt málið og frestar erindinu þar sem ekki er búið að ganga frá samningi um vatnstöku. 7. 1104016 - Kirkjuhóll - geymsluhúsnæði Hólar ehf, kt.660803-2540 sækja um byggingarleyfi fyrir geymsluhúsnæði að Kirkjuhóli í Staðarsveit. Um er að ræða tvo matshluta annar 32,6 fm að stærð og hinn 57, 2 fm að stærð Umhverfis- og skipulagsnefnd samþykkir teikningar fyrir mhl. 05 og mhl. 09 samkvæmt teikningu, en engar frekari stækkanir við ummrædd hús. 8. 1104018 - Ægissíða - Tækjageymsla 　 Jón Guðmann Pétursson, kt. 311259-3779, sækir um byggingarleyfi fyrir 96 fm tækjageymslu í landi Ægissíðu samkv. meðf. uppdrætti. Umhverfis- og skipulagsnefnd frestar erindinu og óskar eftir frekari teikningum af afstöðu af húsi og vegi að húsi. 10. 1105001 - Þjóðgarður - skilti Þjóðgarðurinn Snæfellsjökull óskar eftir leyfi til að setja upp nokkur fræðslu- og leiðbeiningarskilti, vegvísa og ljóðaskilti. Við uppsetningu allra skiltana verður vinnu hagað á þann hátt að sem minnst spjöll hljótist af og að skiltin skili tilgangi sínum sem leiðbeinandi og um leið fræðandi fyrir gesti svæðisins. Umhverfis- og skipulagsnefnd samþykkir erindið. 13. 1104007 - Á Eyrunum - Rekstarleyfi Áning ehf, kt. 621009-0600, óskar eftir rekstarleyfi fyrir gisti- og veitingastað á Á Eyrunum, Staðarsveit. Umhverfis- og skipulagsnefnds samþykkir erindið. 17. 1104011 - Kjarvalströð 7 - Rekstarleyfi Viator ehf, kt. 571002-4180, sækir um rekstarleyfi fyrir gististað að Kjarvalströð 7, Arnarstapa. Umhverfis- og skipulagsnefnd gerir ekki athugasemd við umrædda starfsemi að uppfylltum þeim skilyrðum sem gerðar eru til gististaða í flokki II. 18. 1104013 - Kjarvalströð 13 - rekstarleyfi Viator ehf, kt. 571002-4180, sækir um rekstarleyfi fyrir gististað að Kjarvalströð 13, Arnarstapa. Umhverfis- og skipulagsnefnd gerir ekki athugasemd við umrædda starfsemi að uppfylltum þeim skilyrðum sem gerðar eru til gististaða í flokki II. 21. 1105005 - Vatnshellir - öryggismál Þjóðgarðurinn Snæfellsjökull óskar eftir að sveitafélagið geri öryggisúttekt á Vatnshelli. Umhverfis- og skipulagsnefnd samþykkir að byggingarfulltrúi geri úttekt á Vatnshelli. Umhverfis- og skipulagsnefnd, fundur nr. 60 Prentvæn útgáfa Prentvæn útgáfa Dags. 29. Mars 2011 60. fundur umhverfis- og skipulagsnefndar haldinn í Röst, þriðjudaginn 29. mars 2011 og hófst hann kl. 12:00 Fundinn sátu: Sigurjón Bjarnason, Jónas Kristófersson, Drífa Skúladóttir, Svanur Tómasson, Sturla Fjeldsted, Fundargerð ritaði: Smári Björnsson , Byggingarfulltrúi 5. 1003029 - Plássið Laugarbrekku - Umsókn um byggingarleyfi. Ólafur Haukur Símonarsson, kt. 240847-2649, sækir um að setja upp vegg í forrými mennigarmiðstöðvarinnar að Hellnum þannig að myndist bakrými og aðstaða starfsmanna í tengslum við bráðabirgðaeldhús. Rýmið opnast út í forrými Mennigamiðstöðvar. Breytingin er gerð eftir ráðleggingu Vinnueftirlits ríkisins. Umhverfis- og skipulagsnefnd samþykkir erindið. 9. 1103011 - Slitvindastaðir - niðurrif. Guðrún Sigurðardóttir, kt. 110536-3569 óskar eftir leyfi til að rífa íbúðarhús, hlöðu, fjós og skúr í landi Slitvindastaða. Húsin hafa ekki verið notðu síðan 1983 og eru mjög illa farin. Fastanúmer eigna: Íbúðarhús 211-3774, fjós fastanúmer 211-3772, matshluti 03, hlaða fastanúmer 211-3772, matshluti 07 og skúr fatsnúmer 211-3772, matshluti 10. Umhverfis - og skipulagsnefnd samþykkir erindið. Umhverfis- og skipulagsnefnd, fundur nr. 59 Prentvæn útgáfa Prentvæn útgáfa Dags. 22. Febrúar 2011 59. fundur umhverfis- og skipulagsnefndar haldinn í Röst, þriðjudaginn 22. febrúar 2011 og hófst hann kl. 12:00 Fundinn sátu: Sigurjón Bjarnason, Jónas Kristófersson, Bjarni Vigfússon, Pétur Steinar Jóhannsson, Drífa Skúladóttir, Svanur Tómasson, Fundargerð ritaði: Smári Björnsson , Byggingarfulltrúi Dagskrá: 1. 1102005 - Grundarslóð 14 - Umsókn um afnot af lóð. Hartmann Jóhannsson, Kveldúlfsgötu 22, Borgarnesi, sækir um leyfi fyrir afnot af lóð við Grundarslóð 14 á Arnarstapa, sumarið 2011 undir hjólhýsi. Umhverfis- og skipulagsnenfnd samþykkir að veita Hartmanni Jóhannssyni stöðuleyfi fyrir hjólhýsi sitt á lóð Grundarslóðar 14 á Arnarstapa til 1. september 2011. 4. 1102006 - Breyting deiliskipulags frístundahúsa á Hellnum. Vera Roth, kynnir breytingu á deiliskipulagi frístudahúsa á Hellnum. Deiliskipulag fyrir, Melabúð, Veruflöt, Búarbrunn, Bálhól og tvö hús á Þórdísarflöt var staðfest í október 2010. Nú er sótt um breytingu sem felur í sér breytta aðkomu að Þórdísarflöt, þannig að aðkoma sunnan lóðar Bálhóls verður flutt í nyrsta hluta lóðarinnar Búðarbrunns og minnar lóðin sem því nemur. Byggingarreit Bálhós er hliðarð um 6 m til vesturs. Deiliskipulagið er í samræmi við aðalskipulag Snæfellsbæjar, Arnarstapi og Hellnar. Umhverfis- og skipulagsnefnd samþykkir að skipulagið verði auglýst samkv. 1. mgr. 43. gr. skipulagslaga nr. 123/2010. 5. 1010028 - Nýtt deiliskipulag verslunar- og þjónustulóðar á Arnarstapa Deiliskipulagsuppdráttur hefur verið leiðréttur í samræmi við athugasemdir Skipulagsstofnunar, Mannvirkjastofnunar og Heilbrigðiseftirlits Vesturlands. Umhverfis- og skipulagsnefnd samþykkir breyttan uppdrátt eftir auglýsingu. Nýr uppdráttur verði sendur á Skipulagsstofnun ásamt umsögnum til yfirferðar samkv. 1. mgr. 42. gr. skipulagslaga nr. 123/2010. 8. 1102010 - Þórdísarflöt - Umsókn um byggingarleyfi Ágúst Hlynur Guðmundsson kt. 210173-4479 sækir um byggingarleyfi fyrir 120 fm og 399.1 rm sumarhúsi að Þórdísarflöt Hellnum. Teikingar eftir Gísla Guðmundsson. Umhverfis- og skipulagsnefnd samþykkir að veita byggingarleyfi fyrir 120 fm sumarhús að Þórdísarflöt. Umhverfis- og skipulagsnefnd, fundur nr. 58 Prentvæn útgáfa Prentvæn útgáfa Dags. 11. Janúar 2011 58. fundur umhverfis- og skipulagsnefndar haldinn í Röst, þriðjudaginn 11. janúar 2011 og hófst hann kl. 12:00 Fundinn sátu: Sigurjón Bjarnason, Jónas Kristófersson, Drífa Skúladóttir, Pétur Steinar Jóhannsson, Svanur Tómasson, Sturla Fjeldsted, Fundargerð ritaði: Smári Björnsson , Byggingarfulltrúi 2. 1007008 - Umsókn um breytingu á Aðalskipulagi Snæfellsbæjar Sleggjubeina. Umhverfis- og skipulagsnefnd samþykkir að senda málið til umsagnar á eftirtalda aðila: Umhverfisstofnun, Fornleifanefnd og Vegagerð þegar umsagnir frá eftirtöldum aðilum hefur borist mun nefndin fjallað frekar um breytingar tillöguna. 4. 1010028 - Nýtt deiliskipulag verslunar- og þjónustulóðar á Arnarstapa. Umhverfis- og skipulagsnefnd samþykkir að senda deiliskipulagið til Skipulagsstofnunar til yfirferðar skv. 3. mgr. 25. gr. skipulags- og byggingarlaga. 6. 1012003 - Melabúð 1 - Umsókn um byggingarleyfi fyrir sumarhús. Umhverfis- og skipulagsnefnd samþykkir að veita byggignarleyfi fyrir 78,1 fm einnar hæðar frístundahús að Melabúð 1, Hellnum, samkv. teikningum dags. 06.01.2011, nr. 01, teiknað af Hildigunni Haraldsdóttur. Deiliskipulag fyrir svæðið var samþykkt 21.09.10 og birt í B-deild Sjórnartíðinda 08.10.10. 10. 1101014 - Kjarvalströð 9 - breyttar teikningar. Umhverfis- og skipulagsnefnd samþykkir breyttar teikningar vegna Kjarvalstraðar 9, dags. í júní 2005, breytt 17.11.2008 og 04.11.2009, nr. A-01 11. 1101015 - Kjarvalströð 14 - Breyttar teikningar. Umhverfis- og skipulagsnefnd samþykkir breyttar teikningar vegna Kjarvalstraða 14, dags. í júní 2005, breytt 17.11.2008, 04.11.2009 og 16.12.2010, nr. A-01. 15. 1012005 - Plássið Laugabrekku - Umsögn um rekstrarleyfi. Umhverfis- og skipulagsnefnd hafnar erindinu þar sem framkvæmdum við breytingar á húsnæði í samræmi við samþykktar teikningar er ekki lokið. 18. 1012001 - Félagsheimilið Lýsuhóli - umsögn um rekstarleyfi. Umhverfis- og skipulagsnefnd hafnar erindinu því ekki liggur fyrir staðfest afrit af aðaluppdrætti sem sýnir afmörkun þess rýmis sem ætlað er fyrir reksturinn. 19. 1101019 - Snæfell - Umsögn vegna rekstrarleyfis. Umhverfis- og skipulagsnefnd hafnar erindinu á þeim rökum að ekki liggja fyrir samþykktar teikningar af núverandi breytingum á húsnæði. Umhverfis- og skipulagsnefnd, fundur nr. 57 Prentvæn útgáfa Prentvæn útgáfa Dags. 2. Nóvember 2010 57. fundur umhverfis- og skipulagsnefndar haldinn í Röst, þriðjudaginn 2. nóvember 2010 og hófst hann kl. 12:00 Fundinn sátu: Bjarni Vigfússon, Pétur Steinar Jóhannsson, Drífa Skúladóttir, Sturla Fjeldsted, Svanur Tómasson, Fundargerð ritaði: Smári Björnsson , Byggingarfulltrúi 2. 1007008 - Umsókn um breytingu á Aðalskipulagi Snæfellsbæjar Sleggjubeina. Umhverfis- og skipulagsnefnd var kynnt málið af hagsmunaaðilum. 4. 1007011 - Nýtt deiliskipulag fyrir Laugarbrekku. Umhverfis- og skipulagsnefnd samþykkir að senda skipulagstillöguna til Skipulagsstofnunar til yfirferðar samkv. 3. mgr. 25. gr. skipulags - og byggingarlaga. 5. 1008009 - Deiliskipulag vistvænnar þyrpingar á Hellnum - breyting. Umhverfis- og skipulagsnefnd samþykkir að senda skipulagstillöguna til Skipulagsstofnunar til yfirferðar samkv. 1. mgr. 26. gr. skipulags - og byggingarlaga. 7. 1010026 - Hofgarðar - breyting á deiliskipulagi. Umhverfis- og skipulagsnefnd samþykkir að skipulagstillagan verði kynnt samkv. 2. mgr. 26. gr. skipulags- og byggingarlaga. Skipulagstillagan felur í sér að gert er ráð fyrir að smáhýsum verði fjölgað úr 5 í 8. Stærð þeirra var áður allt að 60 m2 en verði nú allt að 40 m2. Lóðirnar eru minnkaðar, þeim hliðrað til suðurs og akfærum stíg er hliðrað. 8. 1010028 - Nýtt deiliskipulag verslunar- og þjónustulóðar á Arnarstapa. Umhverfis- og skipulagsnefnd samþykkir að skipulagstillagan verði auglýst samkv. 3. mgr. 25. gr. skipulags- og byggingarlaga. Tillagan felur í sér að gert er ráð fyrir einni 10.670 fm viðskipta- og þjónustulóð. Innan lóðar má reisa allt að 500 fm þjónustuhús og 8 smáhýsi allt að 40 fm hvert hús. 12. 1010016 - Hofgarðar - Umsókn um byggingarleyfi fyrir 10 gestahús. Umhverfis- og skipulagsnefnd samþykkir að veita byggingarleyfi að Hofgörðum fyrir 2 gestahúsum, a og b. Einnig er veitt bráðarbirgðar byggingarleyfi fyrir 8 gestahúsum c,d,e,f,g,h,i og j samkv. innsendum teikningum unnum af ABS teiknistofu. 13. 1010023 - Lýsuhóll - Umsókn um byggingarleyfi á þjónustuskála. Umhverfis- og skipulagsnefnd samþykkir að veita byggingarleyfi að Lýsuhóli til að stækka og breyta notkun á matshluta 05 úr bílskúr og vélageymslu í þjónustuskála í tengslum við ferðaþjónustu á bænum, samkv. meðf. teikningum dags. 13.10.2010 14. 1010022 - Brekkubær - Umsókn um byggingarleyfi fyrir viðbyggingu. Umhverfis- og skipulagsnefnd samþykkir að veita byggingarleyfi að Brekkubæ, Hellnum fyrir einnar hæðar timburviðbyggingu alls 335,8 m2 auk 22,4 m2 útipalls samkv. teikningum dags. 15.10.2010 unnum af Guðmundi Gunnarssyni. Með fyrirvara á flóttaleiðum úr herbergjum sé fullnægt. 21. 1010008 - Kirkjuhóll - Umsókn um stöðuleyfi fyrir vinnuskúr. Umhverfis- og skipulagsnefnd samþykkir að veita stöðuleyfi til sex mánaða, ekki verður um frekari framlenginu á stöðuleyfi að ræða. Eins er veitt leyfi fyrir klæðningu á skúr og uppistandandi hús. Nefndin vill benda á að vinna þarf deiliskipulag fyrir svæðið ef skúr á að vera áfram og skal það vinnast á næstu sex mánuðum. 22. 1011001 - Lýsudalur - Umsókn um byggingarleyfi fyrir þjónustuhús á tjaldstæði. Umhverfis- og skipulagsnefnd samþykkir byggingarleyfi fyrir 36,1 fm þjónustuhús á tjaldstæði í Lýsudal. 24. 1010027 - Þórdísarflör lnr. 2193331 - Lagning heimreiðar að byggingarreit. Umhverfis- og skipulagsnefnd samþykkir að veita framkvæmdaleyfi fyrir heimreið að byggingarreit að Þórdísarflöt á Hellnum.

Skessuhorn: Snæfellsjökull gæti laðað hingað skíðalið úr öllum heiminum 9. september 2011 Helgi Geirharðsson, kunnur skíða- og athafnamaður, sem lengi hefur beitt sér fyrir bættri aðstöðu til skíðaiðkunar á Íslandi, telur að Snæfellsjökull sé besti kosturinn sem Íslendingar eiga til að koma upp aðstöðu til að skíða yfir sumartímann. Þar þurfi ekki að leggja út í mikinn kostnað til að bæta aðgengi að jöklinum norðanmegin og koma upp lyftu. Kristinn Jónasson bæjarstjóri í Snæfellsbæ er meðal þeirra sem sýnt hefur þessu áhuga. Helgi hafði samband við Skessuhorn í kjölfar umfjöllunar blaðsins nýlega um vel heppnaði æfingu skíðalandsliðsins á jöklinum fyrir skömmu. “Við höfum vissu fyrir áhuga erlendra skíðaliða að nýta sér slíka aðstöðu til æfinga fyrir sín landslið yfir sumartímann. Í dag sækja stærstu liðin um allan heim bæði til Chile og Nýja Sjálands til að koma sínu fólki á snjó. Snæfellsjökull getur hentað vel sem valkostur fyrir lið í Norður-Ameríku og Evrópu, sér í lagi þar sem allir smájöklar í Evrópu fara minnkandi. Sjá nánar í umfjöllun í Skessuhorni vikunnar. http://skessuhorn.is/Default.asp?sid_id=24845&tId=99&Tre_Rod=001|002|&fre_id=119834&meira=1

31. ágúst 2011 12:03 Snæfellsnesrally Snæfellsnesrally verður haldið dagana 2. og 3. september, þetta er fjórða árið í röð sem rallað er á Snæfellsnesi Á síðasta ári unnu heimamenn keppnina, þá sigruðu Einar Sigurðsson og Símon Grétar Rúnarsson á Audi Quatro S2 eftir harða baráttu, aðeins munaði 15 sekúndum á efstu bílum í lok ralls. Keppnin í ár samanstendur af þremur leiðahlutum og fer sá fyrsti fram á föstudagskvöld, annar fer fram fyrir hádegi á laugardag og sá þriðji og síðasti eftir hádegi á laugardag. Eftir fyrsta og annan leiðahluta gefst þeim sem dottið hafa út kostur á að gera við og mæta aftur til keppni. Rásröð keppenda verður breytt fyrir hvern leiðahluta eftir stöðu í lok fyrri hluta. Á föstudag verður ekið um Jökulháls, Eysteinsdal og Breið, að því loknu verður viðgerðarhlé í portinu við frystihúsið í Ólafsvík. Á laugardagsmorgun verður ekið um Jökulháls og Eysteinsdal og síðasta leið fyrir hádegishlé verður Breið, í hádeginu verður viðgerðarhlé á planinu við Stakkholt. Fyrsta leið eftir hádegi verður innanbæjarleið í Ólafsvík sem fengið hefur nafnið Orkubrautin, leiðin liggur síðan austur eftir Snæfellsnesi þar sem ekið verður um nýja sérleið um Eyrarfjall, Berserkjahraun verður ekið tvisvar og síðan verður leiðin um Eyrarfjall ekin aftur áður en ekið er til Ólafsvíkur þar sem verðlaunaafhending verður í Átthagastofunni. Innanbæjarleið - Orkubrautin Fyrsta sérleið eftir hádegi á laugardag er innanbæjarleið sem hefur fengið nafnið Orkubrautin þar sem að Orkan hefur gefið aukaverðlaun fyrir þann sem ekur leiðina á skemmstum tíma. Því má búast við miklum tilþrifum. Leiðin liggur um hafnarsvæði Ólafsvíkur og má sjá leiðina merkta inn á loftmyndina hér við hlið. Mikilvægt er að áhorfendur haldi sér í hæfilegri fjarlægð til að verða ekki fyrir grjótkasti. Á milli þess sem undanfari ekur leiðina og þangað til eftirfari fer um þá er leiðin lokuð öllum öðrum en rallybílum. Samkvæmt tímaáætlun verður fyrsti bíll ræstur inn á leiðina kl. 13.53 Upplýsingamiðstöð og stjórnstöð rallsins verður í Átthagastofunni á meðan á rallinu stendur. Nánari upplýsingar fást hjá keppnisstjóra í síma 8481930 - Sigurður Rúnarsson http://snb.is/default.asp?sid_id=1995&tid=2&fre_id=119498&meira=1

Verið er að undirbúa byggingu tveggja nýrra húsa á Hellnum, nánar tiltekið á Melabúð og lóð sem tilheyrði Bárðarbúð en kallast nú Þórdísarflöt. Búið er að leggja nýjan veg í Hleinaplássi sem liggur að Þórdísarflöt en í báðum tilfellum er um sumarhús að ræða.

Í sumar opnaði einnig nýr veitingastaður á Hellnum; Prímuskaffi en það er við hlið gestastofu þjóðgarðsins, en hjónin Ólafur Haukur Símonarson og Guðlaug Bjarnadóttir eiga staðinn og reka. Starfsemin verður opin eins lengi og gestastofan eða til 10. september.

Fjöruhúsið verður opið fram í október og ekki von á breytingum á þeim rekstri í kjölfar samninga sem náðust við Hótel Hellna vegna lóðamáls hússins.

Í Samkomuhúsinu á Arnarstapa er skráð upplýsingamiðstöð frá 22. júní,  samkv. lögum um skipan ferðamála en það má segja að tveir þriðju þeirra gesta sem koma í húsið séu að leita upplýsinga um svæðið, ferðir á jökulinn og gistingu. Undirrituð hóf starfsemi í Samkomuhúsinu á Arnarstapa í júní og var opnuð kaffisala, pulsusala og verslun með handverk, frá 15. júlí þegar heilbrigðiseftirlit Vestulands gaf formlegt samþykki sitt. Aftur á móti hefur Samkomuhúsið ekki enn fengið veitingaleyfi þrátt fyrir að hafa sótt um slíkt fyrir ári síðan. Snæfellsbær hefur í engu sinnt þeirri beiðni minni fyrir utan afgreiðslu í bæjarráði 26. ágúst á síðasta ári, með fyrirvara um samþykki umhverfis- og skipulagsnefndar og slökkviliðssjóra. Það er lítið eftir af ferðamannasumrinu og mér er óskiljanlegt hvaða akk sveitarfélagið eða starfsmenn þess hafa af því að eyðileggja vinnu og verk þeirra sem eru að reyna að byggja upp starfsemi í sveitarfélaginu. Sveitarfelagið notar einnig aðkomu Samkomuhússins sem móttökustað sorps á Arnarstapa en á hina höndina má finna mýrarblett nokkurn sem er frárennsli frá sameiginlegri rotþró Samkomuhússins og ferðaþjónustunnar Snjófells. Lyktin er samkvæmt því. Undirritaðri var neitað um stærri lóð en boðið athafnasvæði í samráði við byggingafulltrúa. Það er kaldhæðnislegt að lesa forsíðu bæjarblaðsins Jökuls frá 11. ágúst þar sem stendur að ,,Snæfellsbær hefur ekki slegið slöku við í sumar þegar kemur að viðhaldi og fegrun sveitarfélagsins" sem er frábært og tæknideildin ætlar að steypa u.þ.b. 1.200 fm af gangstéttum, væntanlega í Ólafsvík eða Hellisandi. Við sorpgámana á Arnarstapa er eftur á móti þannig aðkoma að planið er þakið nöglum og öðru smárusli sem þeir sem heimsækja Samkomuhúsið þurfa að aka yfir, auk þess sem eftir veturinn voru svo djúp hjólför eftir ,,ruslabílinn" að aðkoman var illfær. Það er frábært að Snæfellsbær standi svo vel við bakið á íbúum sveitarfélagsins og steypi svona margar stéttar, það er ekki von að þá sé tími til að sinna samskiptum við fólk sem vill upp á dekk í samkeppnisgrein eins og ferðaþjónustu.

Skessuhorn:

Hvasst við fjöll á Kjalarnesi og í Staðarsveit á Snæfellsnesi

14. ágúst 2011

Mjög hvasst er nú á sunnanverðu Snæfellsnesi og ekkert ferðaveður með hjólhýsi og aftanívagna. Vindur í Hraunsmúla í Staðarsveit fór í 34 m.sek í hviðum laust eftir klukkan 15 í dag, en eftir það hefur lítillega dregið úr vindi. Sömu sögu er að segja á Kjalarnesi þar sem þetta hjólhýsi fauk nú síðdegis á hliðina. Þar er vaxandi vindhraði og mælist vindur í hviðum nú 30 m.sekúndu. Við slíkar aðstæður er óvarlegt að draga létta vagna og kerrur.  http://skessuhorn.is/Default.asp?sid_id=24845&tId=99&Tre_Rod=001|002|&fre_id=118943&meira=1

Karlakórinn Heiðbjört sem samanstendur af karlmönnum úr sveitunum hér sunnan heiðar, kemur nú fram á opnunarhátið Hinsegin daga sem verða nú um næst komandi helgi. Karlakórinn var stofnaður á síðasta ári en stjórnandi hans er hinn hæfileigaríki hárgreiðslumaður Árni Kristjánsson eða Árni glóbó en hann hefur starfað á Hótel Búðum í nokkur ár, sem þjónn. http://good-times.webshots.com/photo/1272037171012729928Piwocp

Bæjarráð, fundur nr. 224  Prentvæn útgáfa

Dags. 13. Júlí 2011

224. fundur bæjarráðs Snæfellsbæjar, haldinn miðvikudaginn 13. júlí 2011 og hófst hann í fundarsal Ráðhúss Snæfellsbæjar kl. 12:00          Mættir:               Kristín Björg Árnadóttir               Rögnvaldur Ólafsson               Kristján Þórðarson               Kristinn Jónasson, bæjarstjóri               Lilja Ólafardóttir, bæjarritari               Varaformaður bæjarráðs setti fundinn og bauð fundarmenn velkomna á fundinn.  Var svo gengið til boðaðrar dagskrár. 1)      Fundargerð 63. fundar umhverfis- og skipulagsnefndar, dags. 5. júlí 2011. Varðandi 5. lið, umsókn um samþykki fyrir reyndarteikningum fyrir Langaholt í Staðarsveit, þá samþykkir bæjarráð samhljóða afgreiðslu umhverfis- og skipulagsnefndar. Varðandi 10. lið, umsókn um endurnýjun á rekstrarleyfi fyrir Hótel Hellna ehf., þá samþykkir bæjarráð samhljóða afgreiðslu umhverfis- og skipulagsnefndar. Til máls tóku KJ, KBÁ, RÓ, KÞ Fundargerðin samþykkt samhljóða.       Bréf frá Lögmönnum Hafnarfirði, dags. 9. júní 2011, varðandi Fjöruhúsið á Hellnum. Samþykkt að fela lögmanni Snæfellsbæjar og bæjarstjóra að svara erindinu.   9)      Bréf lögmanns Snæfellsbæjar til Þórhalls H. Þorvaldssonar hdl., dags. 10. júní 2011, varðandi lóðaleigusamning um lóð úr landi Brekkubæjar, Snæfellsbæ. Lagt fram til kynningar.   10)  Bréf frá Sýslumanni Snæfellinga, dags. 28. júní 2011, varðandi ósk um umsögn um endurútgáfu rekstrarleyfis fyrir Hótel Hellna ehf. Bæjarráð Snæfellsbæjar samþykkir erindið fyrir sína hönd.   http://snb.is/Default.asp?Sid_Id=1942&tId=4&ID=15188&Tre_Rod=001|004|&qsr